Korisnici nove Meta-ine mreže Threads koji su željeli da je napuste, ali to nisu činili iz straha da će ostati i bez Instagram naloga, sada mogu da odahnu.
Iako su do sada ove dvije mreže bile povezane na taj način, Meta je shvatila važnost njihovog razdvajanja, te sada možete prestati koristiti Threads, a da to ne ugrozi vaš Instagram profil.
Nudi vam se i mogućnost da privremeno onemogućite svoj Threads nalog. Za početak otvorite Threads, dodirnite ikonu svog profila i odaberite opcijuu Podešavanja na vrhu. Tu idite na Račun > Deaktiviraj ili Izbriši profil. Na ovoj stranici odaberite opciju Deaktiviraj profil.
Nakon toga će sve vaše objave biti skrivene od javnosti, ali će i dalje biti sačuvane u Meta-inim “skladištima”. To i nije tako loše, jer ostavlja mogućnost da ponovo aktivirate svoj proffil ukoliko to poželite. Potrebno je samo da se ponovno prijavite pomoću istih pristupnih podataka.
Ukoliko ste sigurni da želite trajno izbrisati Threads profil, slobodno to i učinite, ali umjesto Deaktiviraj kliknite na Izbriši profil. To neće uticati na vaš Instagram nalog.
Imajte na umu da će i tada vaši postovi, profil i korisnički podaci ostati sačuvani u Meta-i još 30 dana, tako da imate na raspolaganju taj period da se predomislite i vratite svoj Threads profil.
